Даведацца аб бяспечных паводзінах, аказанні першай дапамогі, паўдзельнічаць у розных гульнях і конкурсах можна на сайце часопіса "Юны ратавальнік" spasatel.by

Мабільны дадатак "МНС Беларусі: дапамога побач"

Карыстальнікі смартфонаў і планшэтаў могуць спампаваць абноўленую версію дадатку «МНС Беларусі: Дапамога побач». Ратавальнікі вывучылі рынак даступных на тэрыторыі краіны праграм для мабільных прылад, і аказалася, што няма такіх, якія дазвалялі б хутка зарыентавацца ў нестандартных сітуацыях. Напрыклад, разбілі градуснік, адбылося ДТЗ, убачылі палаючы лес, на вуліцы навальніца і да т.п. Так з'явілася прыкладанне для беларускіх карыстальнікаў "МНС Беларусі: Дапамога побач", адна з найважнейшых задач якога дапамагчы чалавеку эфектыўна дзейнічаць па прынцыпе "5 крокаў на выратаванне". Цяпер у раздзеле «Што рабіць?» сабраны каля 50-ці тэм і ратавальнікі адкрыты для прапаноў па даданні новых.

Ратавальнікі ўбудавалі ў праграму апавяшчэнне аб неспрыяльных і небяспечных з'явах. Карыстальнікі прыкладання будуць атрымліваць своечасовае апавяшчэнне, заснаванае на штармавых папярэджаннях Гідраметэацэнтра. На карце акрамя з'яў і рэгіёнаў, дзе яны чакаюцца, будуць даступныя рэкамендацыі ратавальнікаў - як паводзіць сябе ў такіх абставінах. Можна самастойна наладзіць час, калі карыстач не жадае атрымліваць дадзеную інфармацыю, адключыўшы, да прыкладу, начныя гадзіны ці выходныя дні. Раздзел заснаваны на інтэрактыўнай карце, створанай летась у сумесным праекце Беларускага Чырвонага Крыжа, БелТА і МНС.

Інтэрактыўная карта неспрыяльных і небяспечных з'яў распрацавана з улікам вопыту цыклону "Хаўер". У выпадку маштабнай НС прыроднага характару адміністратар уключыць для карыстальнікаў дадатковы раздзел "Паведаміць аб НС".

Яшчэ адной немалаважнай функцыяй стала кнопка званка ў МНС "112". Людзі ў крытычнай сітуацыі забываюцца на нумары тэлефонаў экстраных службаў. Званок можна ажыццявіць з розных старонак прыкладання або прама з раздзела "Што рабіць?". Ратавальнікі рэалізавалі варыятыўнасць званкоў - дадалі магчымасць не толькі злучэння з МНС, але і адпраўкі смс або званкоў на зададзены нумар - напрыклад, урачу або родным. Гэта дазволіць звязацца ў экстраных выпадках з патрэбным чалавекам, што асабліва важна для людзей з рознымі захворваннямі. Ўстаноўкі нумара, а таксама магчымасць змяніць тэкст паведамлення рэалізаваны ў карыстацкіх наладах.

Таксама з'явіўся ў дадатку раздзел "Першая дапамога", абсталяваны аўдыёпадказкамі дзеянняў па аказанні першай дапамогі. Раздзел створаны пры падтрымцы Беларускага таварыства Чырвонага Крыжа. Праграма па навучанні навыкам аказання першай дапамогі, якая ўзята за аснову раздзела, акрэдытавана Еўрапейскім даведачным цэнтрам па навучанні першай дапамогі Міжнароднай Федэрацыі таварыстваў Чырвонага Крыжа і Чырвонага Паўмесяца МФКК (Глабальны метадычны цэнтр па навучанні першай дапамогі МФКК). Яна адпавядае Міжнароднаму кіраўніцтву па навучанні першай дапамогі (IFRC, 2016) і атрымала Еўрапейскі сертыфікат (European First Aid Certificate). "Першая дапамога" распрацавана ў рамках праекта "Павышэнне ўзроўню гатоўнасці да рэагавання на НС Беларускага Таварыства Чырвонага Крыжа і Таварыства Чырвонага Крыжа Украіны".

У апошняй версіі прыкладання рэалізаваны пошук, ёсць магчымасць праверыць атрыманыя веды ў тэстах, прачытаць артыкулы ў раздзеле "Энцыклапедыя". Можна паўдзельнічаць у рэйтынгу МНС на праходжанне тэстаў і даслаць каардынаты, калі раптам згубіліся ў лесе.

Прыкладанне рэалізавана на базе платформы Android. Перад распрацоўкай ратавальнікі вывучылі статыстыку наведвальнасці інтэрнет-рэсурсаў сістэмы МНС. Больш за 60% мабільных прылад прыпадала на базу менавіта гэтай платформы. Тэхнічнае выкананне вяла кампанія "Альфасофт". Праца над дадаткам выконвалася па сучаснай гнуткай метадалогіі, калі праграмісты і ратавальнікі працавалі сумесна невялікімі этапамі, каб аптымізаваць задачы і атрымаць эфектыўны вынік. Дапамогу ў тэсціраванні дадатку таксама аказалі валанцёры МНС і падпісчыкі старонак МНС у сацсетках, якія бралі ўдзел у альфа- і бэтатэставанні. Пры гэтым прыкладанне не выкарыстоўвае ніякіх персанальных дадзеных карыстальнікаў.

Ратавальнікі будуць працягваць развіццё прыкладання. Так, існуе дамоўленасць з Чырвоным Крыжом аб прадстаўленні інфармацыі па аказанні першай дапамогі ў раздзел "Што рабіць", запланаваны публікацыі новых тэстаў.